Фінскі фаст-фуд Hesburger закрывае свае рэстараны ў Беларусі
Пра намер закрыць рэстараны Hesburger у Беларусі разам з расійскімі ў прэс-рэлізе кампаніі паведаміў яе гендырэктар Кары Салмела.
Паведамляецца, што ўсе рэстараны сеткі спыняць працу ў Расіі і Беларусі з-за агрэсіі ў дачыненні да Украіны.
«Мы зробім усё магчымае, каб як мага хутчэй зачыніць дзверы рэстаранаў у Расіі. Мэта — зачыніць летам усе рэстараны ў Расіі і Беларусі», — сказаў Салмела.
Hesburger пачаў працаваць у Беларусі ў 2017 годзе, цяпер ён мае чатыры рэстараны.