Генштаб УСУ: сярод беларускіх вайскоўцаў правялі апытанне, ці хочуць яны ваяваць ва Украіне

Генеральны штаб Узброеных Сіл Украіны сцвярджае, што валодае звесткамі пра праведзенае апытанне сярод беларускіх вайскоўцаў.

Паводле інфармацыі ўкраінскага боку, унутранае апытанне было праведзена сярод вайскоўцаў 8 сакавіка, яно было ананімным. Вайскоўцаў спыталі пра іх гатоўнасць прыняць удзел у баявых дзеяннях ва Украіне на баку Расіі.
«Вынікі паказваюць, што пераважная большасць асабістага саставу не гатовая да ўдзелу ў вайне супраць Украіны», — сцвярджае Генштаб ВСУ.
Расійскія салдаты, заяўляе ведамства, таксама дэмаралізаваныя, іх псіхалагічны стан імкліва пагаршаецца.
Напярэдадні Генштаб УСУ таксама паведамляў пра прывядзенне беларускіх падраздзяленняў на мяжы з Украінай у вышэйшую ступень баявой гатоўнасці і адначасова пра прыгнечаны настрой сярод беларускіх вайскоўцаў.