«Пракалолі колы, вытруцілі гарод». Жыхарка Хацежына задае ўладам нязручныя пытанні
Вольга Саўчына — чалавек з актыўнай грамадзянскай пазіцыяй. З яе ініцыятывы ў аграгарадку прабурылі артэзіянскую свідравіну, правялі газ, яна дамаглася бясплатнага школьнага аўтобуса для падвозу дзяцей, пандуса для дзіцяці з інваліднасцю. Цяпер змагаецца за рамонт дамоў, якія здалі ў эксплуатацыю некалькі год таму, але іх стан ужо нельга назваць задавальняючым. І за гэта атрымлівае пагрозы.