«Людзі ідуць ва УСУ помсціць»: Паплечнік Гіркіна пра «вызваленне» Данбаса
Паплечнік Гіркіна распавёў, чаму жыхары «вызваленага» Данбаса прагнуць адпомсціць расіянам за такое «вызваленне» і ідуць змагацца з імі ва УСУ.
Таварыш тэрарыста Ігара Стралкова-Гіркіна, расійскі «гнеўны патрыёт» Максім Калашнікаў раскрыў сапраўдны твар «рускага свету» на часова акупаваным Данбасе, піша УНІАН.
Фрагмент заявы Калашнікава апублікаваў Telegram-канал «Сеятель ветра». Паплечнік Гіркіна заявіў, што жыхары Данбаса проста ў жаху ад такога «вызвалення», якое праводзіць на іх зямлі руская армія. І калі людзі паглядзелі, як Расія сцірае з зямлі іх родныя гарады, яны ідуць служыць ва Узброеныя Сілы Украіны.
Глядзіце таксама
Рускія войскі «вывезлі з Данбаса ўсё, што маглі, у тым ліку і сельгастэхніку. Прабачце, на гэтых вызваленых тэрыторыях, гэта расійскі Данбас, шмат людзей пасля такога «вызвалення» ідуць ва Узброеныя сілы Украіны помсціць, таму што іх жыццё было зламанае, у іх забралі жыллё, падчас гэтага «вызвалення» загінулі іх родныя і блізкія», — сказаў Калашнікаў.
Глядзіце таксама
Куды знік сам Гіркін?
«Раззлаваныя патрыёты» страцілі свайго лідара. 21 ліпеня стала вядома аб затрыманні ў РФ Ігара Гіркіна (Стралкова). Паведамлялася, што ў яго кватэры супрацоўнікі Следчага камітэта РФ правялі ператрус.
Суд адправіў Стралкова пад арышт да 18 верасня. У дачыненні да яго распачата справа паводле ч. 2 арт. 280 КК (публічныя заклікі да экстрэмізму з выкарыстаннем сеткі Інтэрнэт). Па гэтым артыкуле яму пагражае да пяці гадоў пазбаўлення волі. Справу Гіркіна засакрэцілі.
Паліттэхнолаг Абас Галямаў, як пісаў «НЧ», адзначыў наконт арышту Гіркіна: "Стралкоў супадаў з Пуціным у частцы стратэгічных мэтаў, у частцы ідэалогіі. Але пры гэтым ён бачыў крайнюю неэфектыўнасць сістэмы і яе няздольнасць дасягнуць тых мэтаў, якія ў рамках гэтай ідэалогіі перад краінай стаяць. І ён ведаў, што правільныя, з іх пункту гледжання, мэты не дасягаюцца з-за крайняй неэфектыўнасці і прыдуркаватасці рэжыму".
Глядзіце таксама
