Падтрымка не спыняецца. У Кіеў прыбыў прэм'ер Брытаніі Рышы Сунак

Прэм'ер-міністр Вялікабрытаніі Рышы Сунак прыбыў у Кіеў з неабвешчаным візітам.

«З першых дзён вайны Украіна і Вялікабрытанія былі магутнымі хаўруснікамі. Падчас сённяшняй сустрэчы мы абмеркавалі найважнейшыя пытанні як для нашых краін, так і для глабальнай бяспекі», — выказаўся з гэтай нагоды прэзідэнт Украіны Уладзімір Зяленскі.

«Разам мы больш моцныя і дасягнем жаданых вынікаў», — дадаў ён.

Нагадаем, падчас першай тэлефоннай размовы Уладзімір Зяленскі запрасіў Сунака ва Украіну, і той пацвердзіў намер ажыццявіць гэта.

Рышы Сунак заняў пасаду прэм'м-міністра Вялікабрытаніі 25 кастрычніка. Яго прыезд у Кіеў — сведчанне таго, што міжнародная падтрымка Украіны ў вайне супраць расійскай агрэсіі не спыняецца.