Сімвал вайны. За яе выратаваннем сачыў увесь свет, раней на вайне загінуў яе каханы

Дзяўчына, якая цудам выжыла, раскрыла дэталі ўдару расійцаў па Дняпры.

Дзяўчына, за выратаваннем якой пасля ракетнага ўдару па Дняпры ўчора назіраў увесь свет, зараз знаходзіцца ў шпіталі. 23-гадовая Настасся ў верасні страціла каханага, які абараняў Украіну ад расійскіх акупантаў.
«У мяне няма слоў, у мяне няма эмоцый, я нічога не адчуваю акрамя вялікай пустэчы ўнутры. Я не жыла, а існавала ўвесь час, спрабавала змірыцца, што майго адважнага Улада, Фоціка для субратоў і Коціка для мяне больш няма... я адчувала, што ён будзе мяне засцерагаць. Мяне накрыла дзвярыма ў ложку, частка кухні ў пакоі, лазенцы, кухні, калідора і кладоўкі няма, там прорва і я бачу астатнюю частку пад'езда, чужога пад'езда. Ён збярог, я амаль цэлая, нягледзячы на рану на галаве і голыя абадраныя ногі», — напісала дзяўчына на сваёй старонцы ў Instagram.

Яна адзначыла, што нічога не ведае пра лёс сваіх бацькоў, якія на момант удару расійскай ракеты ў жылую шматпавярхоўку знаходзіліся на кухні.
«Я не ведаю, дзе бацькі. Кажуць, што бачылі жывымі, я ўпэўнена, што яны былі на кухні, якой ужо няма. Ратавацца я не хацела, хацела, каб знайшлі бацькоў. Разумею, што Рычарда ўжо няма. Ён наўрад ці выжыў. Успамінаю дурныя жарты бацькі сёння, як з мамай фоткалі шчанюкоў. Елі мамчын Удон», — падзялілася пацярпелая ўкраінка.
Акрамя таго, яна апублікавала ў сторыс фота са шпіталя. Дзяўчына паскардзілася на паклёп у яе адрас пад пастом аб яе каханым, які загінуў у верасні.

Ракетны ўдар РФ па жылым доме ў Дняпры — што вядома
14 студзеня расійцы выпусцілі па гарадах Украіны 38 ракет, адна з якіх трапіла ў шматпавярховік у Дняпры. У доме пражывала каля 1700 чалавек.
У выніку атакі адзін з пад'ездаў дома цалкам знішчаны. Тамака маглі знаходзіцца да 200 чалавек, сярод якіх 50 — дзеці. У доме адключана святло, газ і вада, а больш за 1000 чалавек маюць патрэбу ў жыллі. Адзначаецца, што ўдар па шматпавярхоўцы быў нанесены расійцамі ракетай Х-22.
Па стане на 07:25 15 студзеня супрацоўнікі ДСНС выратавалі з разбуранай шматпавярхоўкі 38 чалавек, з іх шасцёра дзяцей. Пад заваламі загінуў 21 чалавек, з якіх адно дзіця, паранены 73 чалавекі, у тым ліку 14 дзяцей.
Па даных старшыні Днепрапятроўскай АВА Валянціна Рэзнічэнкі, больш за 40 параненых у шпіталях, чацвёра ў рэанімацыі — цяжкія. Паводле ягоных звестак, застаецца невядомым лёс яшчэ больш за 40 чалавек.