Сацыёлаг Вардамацкі: Расійскі канцэпт вайны праточваецца ў беларускую грамадскую думку
Сацыялагічныя даследаванні сведчаць, што 85% беларусаў выступаюць супраць удзелу Узброеных Сіл Беларусі ў ваенных дзеяннях ва Украіне. Аднак уплыў расійскай прапаганды адчуваецца, распавёў Андрэй Вардамацкі Польскаму радыё.
Доктар сацыялагічных навук Андрэй Вардамацкі заявіў аб кансалідацыі беларусаў у адмоўным стаўленні да ўдзелу беларускіх войскаў у вайне ва Украіне, аднак што тычыцца ўплыву расійскай прапаганды і атаясамлення беларусаў з расійскім наратывам пра баявыя дзеянні ва Украіне, то меркаванне беларусаў тут выглядае ўжо не так адназначна:
— Беларусы маюць уласны пункт гледжання на вайну ва Украіне. Калі казаць аб’ектыўна, расійскі канцэпт гэтага канфлікту пранікае ў беларускую грамадскую думку.
У Расіі назіраецца амаль маналітная падтрымка афіцыйнага пункту гледжання адносна вайны. Гэта не вайна Пуціна, гэта ў тым ліку вайна расіянаў, якія, паводле розных сацыялагічных даследаванняў, падтрымліваюць яе (ухваленне вайны сягае нават 80–85%). Стаўленне ўкраінцаў да гэтай вайны відавочна.
Беларуская ж грамадская думка знаходзіцца як бы паміж гэтых двух уяўленняў. Гэта можна заўважыць па некалькіх індыкатарах. Напрыклад, «Ці падтрымліваеце вы прызнанне Расіяй незалежнасці «Л/ДНР?», і недзе палова беларусаў пазітыўна ставіцца да гэтага — такі прылад пранікненне расійскага канцэпту ў беларускую грамадскую думку.
Паводле новых, праведзеных сацыялагічнай майстэрняй прафесара Андрэя Вардамацкага, 85 % беларусаў выступаюць супраць удзелу УС Беларусі ў ваенных дзеяннях ва Украіне. Вынікі даследавання сацыёлаг прадставіў на навуковай канферэнцыі Студыума Усходняй Еўропы Варшаўскага Універсітэту «Still without peace. Warsaw East European Conference», якая мела месца на пачатку ліпеня.
