Рускія салдаты хаваюцца за спінамі «прымусова мабілізаваных» з Данбаса — Зяленскі
Прэзідэнт Уладзімір Зяленскі падкрэсліў, што расійскія захопнікі прымушаюць ваяваць на баку Расіі супраць Украіны жыхароў акупаваных тэрыторый Данецкай і Луганскай абласцей — і хаваюцца ў іх за спінамі.
Пра гэта заявіў
Уладзімір Зяленскі ў сваім вячэрнім звароце:
"Сітуацыя на Данбасе за суткі істотна не змянілася. Ёсць пэўныя поспехі ў баях у Севераданецку, але яшчэ рана казаць. Там цяпер самае жорсткае. Як і ў гарадах і грамадах побач — Лісічанск, Бахмут і многія іншыя, дзе цяпер ідзе магутная атака Расіі.
Расійская армія прымяняе ўсе наяўныя ў яе ўзбраенні — і наогул наогул не лічыць людзей. Асабліва цынічна, што ў першай лініі нападаў вельмі часта акупанты выкарыстоўваюць менавіта тых людзей, якіх набралі ў сваё войска на раней акупаванай тэрыторыі Данецкай і Луганскай абласцей. Расійскія жаўнеры часта проста хаваюцца за спінамі гэтых так званых "мабілізаваных".
Чым даўжэй доўжыцца вайна — тым больш подлых, ганебных і цынічных рэчаў Расія назаўжды ўпісвае ў сваю гісторыю.
Працягваюцца зусім недарэчныя абстрэлы з расійскай тэрыторыі нашых памежных паўночных абласцей, у прыватнасці, Чарнігаўскай вобласці. Былі нанесеныя ўдары па Мікалаеву і Харкаву, Харкаўскай вобласці. Уся часова акупаваная тэрыторыя нашай дзяржавы — гэта зона суцэльнай катастрофы, за якую Расія нясе поўную адказнасць".
Паводле www.pravda.com.ua