У ААН стварылі камісію для расследавання ваенных злачынстваў ва Украіне

Старшыня Савета ААН па правах чалавека Федэрыка Вільегас стварыў міжнародную незалежную камісію, якая будзе расследаваць ваенныя злачынствы ва Украіне. Камісія першапачаткова створаная на адзін год.

Эрык Месе з Нарвегіі, Ясмінка Джумхур з Босніі і Герцагавіны (амбудсмен па правах чалавека) і Пабла дэ Грэйфа з Калумбіі (дакладчык па пытаннях прапаганды праўды, справядлівасці, кампенсацыі шкоды і гарантый непаўторнасці) прызначаныя незалежнымі чальцамі камісіі. Пра гэта паведамляе прэс-служба ААН.

Узначаліць камісію Эрык Месе — былы суддзя Еўрапейскага суда па правах чалавека, былы прэзідэнт Міжнароднага крымінальнага трыбунала па Руандзе і былы суддзя Вярхоўнага суда Нарвегіі.

Камісію, створаную на першапачатковы тэрмін у адзін год, папрасілі "ўсталяваць факты, абставіны і першапрычыны любых падобных парушэнняў і злоўжыванняў", а таксама дапоўніць, кансалідаваць і пашырыць працу маніторынгавай місіі па правах чалавека ва Украіне.

Следчы орган таксама папрасіў усталяваць асоб і арганізацый, адказных за парушэнні правоў чалавека і звязаныя з імі злачынствы, учыненыя ў Украіне, для прыцягнення іх да адказнасці.

Упаўнаважаным было прапанавана прадставіць Савету па правах чалавека інфармацыю аб сваёй працы на 51-й сесіі ў верасні 2022 года і вычарпальны пісьмовы даклад на 52-й сесіі ў сакавіку 2023 года. Яны таксама дадуць справаздачу Генеральнай Асамблеі ААН на яе 77-й сесіі.

Паводле УНІАН