Wargaming падтрымае жаданне супрацоўнікаў пераехаць, але сыходзіць з Беларусі не будзе

Генеральны дырэктар і заснавальнік Wargaming Віктар Кіслы ў інтэрв'ю «Канобу» распавёў пра планы кампаніі ў сувязі з палітычнай сітуацыі ў Беларусі.

Ён падкрэсліў, што Wargaming не ўдзельнічае ў палітыцы як кампанія. Пры гэтым прызнаў, што ёсць група распрацоўшчыкаў, якая можа захацець пераехаць. Кампанія гатовая падтрымаць іх у такім жаданні. Пры гэтым зачыняць офіс у Минску не збіраецца.

«Я кажу пра тое, што Wargaming кіруецца сітуацыяй тут і цяпер. У нашых шэрагах дакладна няма панікі, але мы ўнутры абмяркоўваем розныя варыянты развіцця падзей. Цяпер мы робім усё, каб ніхто з нашых супрацоўнікаў у гэты напружаны момант не пацярпеў. Гучыць банальна, але вось так. Усіх дзяцей у Афрыцы мы выратаваць не можам, але адказнасць за сваіх супрацоўнікаў мы прымаем, у нашых сілах ім дапамагчы і павысіць пачуццё іх бяспекі», — дадаў ён.

«Я не казаў, што мы будзем рэлакаваць кампанію. Але ёсць група распрацоўшчыкаў, якая можа захацець пераехаць. Яны могуць падысці да мяне і пагаварыць. Калі яны адчуваюць, што ім будзе камфортней ў іншым месцы, то мы як кампанія усім ім дапаможам», — сказаў ён.

Віктар Кіслы адзначыў, што ва ўмовах, калі адключаюць інтэрнэт, кампаніі не можа працаваць. Аднак у яе 17 офісаў па ўсім свеце. Пры неабходнасці яна ў стане пераразмеркаваць магутнасці. Раней гэта ўжо рабілася.

Паводле REFORM.by