У Мінску праходзяць стыхійныя акцыі пратэсту
23 верасня ў Мінску праходзяць стыхійныя акцыі пратэсту. Людзі выходзяць на вуліцы пасля весткі пра таемную інаўгурацыю Лукашэнкі.
Як вядома, другі месяц у сталіцы і іншых гарадах краіны праходзяць масавыя акцыі з патрабаваннем новых выбараў. Але ўлада гэтых людзей не пачула.
Паведамляецца, што ланцугі салідарнасці стыхійна ўзнікаюць па ўсім горадзе. Таксама да акцый далучыліся студэнты — акцыі праходзяць, у прыватнасці, у Інстытуце культуры і БДЭУ. Таксама на акцыю сабраліся студэнты ФПМІ і мехмата БДУ.
Людзі выходзяць на пратэсты паасобку або невялікімі групамі. У Мінску шмат супрацоўнікаў ДАІ, якія перасоўваюцца пешшу па вуліцах і назіраюць абстаноўку ў сталіцы.
Паводле Еўрарадыё, Onliner.by