Мядзведзеў расказаў, што перайшоў мяжу з Нарвегіяй у раёне пасёлка Нікель Мурманскай вобласці. Былы найміт заявіў, што ў Осла яго ўжо наведваў следчы, які займаецца справамі аб ваенных злачынствах. Мядзведзеў спадзяецца, што паказанні, якія ён дасць, «адыграюць ключавую ролю» ў расследаванні супраць ПВК Вагнера.
Gulagu.net піша, што Мядзведзева пасля затрымання даставілі ў цэнтр утрымання замежных грамадзян з мэтай наступнай дэпартацыі.
