На сусветным эканамічным форуме ў Давосе Беларусь прадставіць жанчына
Сусветны эканамічны форум у Давосе (СЭФ, World Economic Forum) – самая ўплывовая штогадовая бізнэс-імпрэза ў свеце. У гэтым годзе форум адбудзецца 49-ы раз. Афіцыйных прадстаўнікоў Мінску ў Давос запрашаюць надзвычай рэдка. У 1992 годзе сустрэчы наведаў дзяржаўны дзеяч Станіслаў Шушкевіч. У 2016 годзе – 29-гадовы бізнесовец Дзяніс Кольга. На СЭФ-2019, які пройдзе 22–25 студзеня, ад Беларусі ўпершыню за апошнія 20 гадоў едзе жанчына, Людміла Батура, з якой пагутарыў на гэтую тэму Белсат.