225-ты дзень вайны на мапах. Лінія фронту падчас Першай і Другой Сусветных і расейска-ўкраінскай войнаў

Войны адбываюцца па-рознаму. Мы паглядзелі на становішча Беларусі ў папярэднія дзьве Сусьветныя на 225-ты дзень. Якія тэрыторыі атрымалася ў ворага захапіць за пазначаны час? Як гэта параўноўваецца з вайной, якую разьвязала Расея на нашых вачах? Што гэта кажа пра абарончыя здольнасьці УСУ?
1916 год. Бліндаж ля возера Нарач

1916 год. Бліндаж ля возера Нарач

Які дзень мы ўзялі за кропку адліку ў Першай і Другой Сусьветных войнах?

У Першай — 12 жніўня 1915 году.
Непасрэдныя баявыя дзеяньні на тэрыторыі, якую ахоплівае сучасная Беларусь, пачаліся 12 жніўня 1915-га, калі нямецкія і аўстра-вугорскія войскі распачалі спробу захопу Берасьцейскай крэпасьці. Немцы падышлі да крэпасьці з паўночнага захаду, аўстра-вугорцы — з паўднёвага захаду.

У Другой — 22 чэрвеня 1941 году.
У дадзеным выпадку мы ўзялі не 17 верасьня 1939-га, калі камуністы напалі на тэрыторыю Польшчы і, адпаведна, заходняй часткі нашай краіны, але 22 чэрвеня 1941-га, калі небясьпека навісла па-над усёй тэрыторыяй Беларусі.

Такім чынам, 225-ты дзень вайны для Першай Сусьветнай прыйшоўся на 25 сакавіка 1916 году.


У канцы кастрычніка 1915 году фронт стабілізаваўся на лініі Дзьвінск–Паставы–Смаргонь–Баранавічы–Пінск, бакі перайшлі да пазіцыйнай, акопнай вайны.

Аднак на беларускіх землях адбылося яшчэ некалькі буйных бітваў. З мэтай падтрымкі французскіх саюзнікаў, войскі якіх вялі цяжкія баі зь немцамі на поўначы Францыі, 18-28 сакавіка 1916 году была праведзеная Нарачанская аперацыя.

Вынікі наступу паўночнай ударнай групы аказаліся няўдалымі. Усяго падчас аперацыі немцы страцілі 40 тысячаў забітымі і параненымі, а войскі Расейскай імпэрыі — 78 тысячаў чалавек. Сярод іх было нямала абмарожаных і зьмёрзлых да сьмерці. Такія істотныя страты ў значнай ступені сталі вынікам дапушчаных расейскім камандаваньнем памылак у падрыхтоўцы і правядзеньні апэрацыі, няўзгодненасьці дзеяньняў палкоў і карпусоў, вострага недахопу боепрыпасаў і цяжкіх гарматаў.

А тут вы можаце разглядзець арыгінал мапы за пазначаны час 1916 году, на якой вельмі падрабязна акрэсьленыя лініі, дзе знаходзіўся фронт.

225-ты дзень у Другой Сусьветнай вайне прыйшоўся на 1 лютага 1942 году.
Фронт цалкам быў па-за межамі сучаснай Беларусі. Уся яна была акупаваная, а немцы былі на адлегласьці выцягнутай рукі ад Масквы.

А ніжэй вы можаце паглядзець на дакладную і падрабязную лінію фронту 1 лютага 1942-га.

225-ты дзень вайны Расеі супраць Украіны прыйшоўся на 6 кастрычніка 2022 году.
Актуальнае на сёньня становішча паглядзіце на мапе ніжэй. 

Цёмным колерам адзначаныя тэрыторыі Ўкраіны, захопленыя ў 2014 годзе, больш сьветлым — у 2022-м. 

Вось такі прарыў здолела зрабіць так званая другая армія сьвету. Чакаем хуткага вызваленьня акупаваных Расеяй тэрыторый!

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: