Атака на аэрадромы Расіі. Гараць самалёты, тры чалавекі загінулі

Два аэрадромы былі атакаваныя невядомымі беспілотнікамі ў Расіі. Гэта адбылося ў Разанскай і Саратаўскай абласцях.

benzavoz.jpg

На аэрадроме пад Разанню выбухнуў бензавоз
На стаянцы авіяцыйнай тэхнікі на аэрадроме пад Разанню адбыўся выбух. Па папярэдніх дадзеных, загарэўся бензавоз. Паведамляецца, што адзін самалёт атрымаў пашкоджанні. Загінулі 3 чалавекі, яшчэ 6 пацярпелі.

aeradrom_razan.jpg


Невядомы беспілотнік атакаваў аэрадром у Саратаўскай вобласці
Паводле папярэдніх звестак, раніцай 5 снежня невядомы лятальны апарат упаў на ўзлётна-пасадачнай паласе мясцовага аэрадрома горада Энгельса Саратаўскай вобласці. У выніку аказаліся пашкоджаныя два бамбавікі Ту-95. Таксама два чалавекі атрымалі раненні.
Менавіта ў Энгельсе размешчана база авіяцыі РФ, якая абстрэльвае Украіну.
Будзе дапаўняцца.