Расійскія войскі пакінулі востраў Змяіны
Расійскія войскі на пяці катэрах пакінулі востраў Змяіны і падарвалі рэшткі сваёй тэхнікі, пішуць у сацсетках ды публікуюць фота вострава, ахутанага дымам
Адзін з варыянтаў эскізу знакамітай маркі
У сацсетках у чацвер, 30 чэрвеня, з'явіліся фота нібыта востраву Змяіны ў дыме. Сцвярджаецца, што расійскія вайскоўцы пакінулі востраў.
"Нашы крыніцы паведамляюць, што так сёння выглядае востраў Змяіны. І гэта гарыць зусім не трава… Востраў пусты", — піша Инсайдер.
"Па стане на 06:30 30.06.2022 вораг пакінуў пазіцыі на в. Змяіны. Шэраг выбухаў, якія былі чутныя ўначы на востраве, ажыццяўляліся непасрэдна ворагамі з мэтай знішчэння узораў тэхнікі і дакументацыі. Таксама ёсць інфа, што адзін з чатырох верталётаў (папярэдне Ка-52), які ўвечары 29.06.2022 падлятаў да Змяінага, у выніку працы ВСУ атрымаў пашкоджанне і зваліўся ў моры ў раёне паміж Змяіным і Адэскім газавым радовішчам. ВКС РФ праводзіліся мерапрыемствы па яго пошуку, аднак да станоўчага выніку яны не прывялі. Верталёт затануў", — сказана ў паведамленні.
Пазней Мінабароны РФ абвясціла аб сыходзе акупацыйных войскаў са Змяінага. Сыход свайго ваеннага гарнізона з захопленага вострава ў Расіі назвалі "крокам добрай волі": "Сёння ў якасці кроку добрай волі расійскія вайскоўцы завяршылі выкананне задач на востраве Змяіны і вывелі гарнізон, які знаходзіўся там".
Паводле korrespondent.net