YouTube адключыў манетызацыю RT і іншым расійскім каналам

YouTube заблакаваў манетызацыю некалькім расійскім каналам. Такое рашэнне патлумачылі «надзвычайнымі абставінамі».

Відэасэрвіс YouTube заблакаваў некалькім расійскім каналам (у тым ліку і RT, які вяшчае за мяжу на некалькіх мовах) магчымасць зарабляць на праглядах апублікаваных ролікаў. Раней тое ж зрабіла адміністрацыя кампаніі Facebook Meta Platforms Inc, паведамляе ВВС.

Па словах прадстаўніка YouTube, ролікі гэтых каналаў таксама будуць радзей з'яўляцца ў рэкамендацыях.

Сваё рашэнне ў кампаніі патлумачылі «надзвычайнымі абставінамі», удакладніўшы, што праца сэрвісу на тэрыторыі Украіны змененая па просьбе ўкраінскіх уладаў.