Помнік «сяброўству» Украіны, Беларусі і Расіі зруйнуюць

На Чарнігаўшчыне дэмантуюць помнік "сяброўству" Украіны, Беларусі і Расіі

На Чарнігаўшчыне зруйнуюць помнік "Тры сястры”. Манумент быў усталяваны на стыку межаў Украіны, Расіі і Беларусі ў 1975 годзе і лічыўся памяткай гісторыі, піша korrespondent.net

Украінскаму Мінкульту перададуць неабходныя дакументы аб зняцці помніка з уліку, а затым манумент дэмантуюць.

У вёсцы Сянькоўка на Чарнігаўшчыне распачалі працэс дэмантажу манумента Тры сястры, што быў прысвечаны "дружбе народаў" Украіны, Беларусі і РФ. Пра гэта паведамляюць у Чарнігаўскай адміністрацыі:

"У абласной адміністрацыі будуць рыхтаваць пакет дакументаў для зняцця з уліку як помніка гісторыі мясцовага значэння манумента ў Сянькоўцы, прысвечанага "дружбе народаў" Украіны, Расіі і Беларусі. Такое рашэнне сёння аднагалосна было прынятае на пасяджэнні Кансультатыўнай рады па пытаннях аховы культурнай спадчыны пры Дэпартаменце культуры і турызму, нацыянальнасцяў і рэлігій Чарнігаўскай адміністрацыі", — гаворыцца ў паведамленні ў чацвер, 12 траўня.