За нашу і вашу свабоду. Адзінаццаць добраахвотнікаў палка Каліноўскага атрымалі раненні

Вайна працягваецца. Беларусы, якія мужна змагаюцца на баку Украіны, за апошнія дні атрымалі раненні. 
Добраахвотнікі палка Каліноўскага ўдзельнічалі ў дзвюх буйных аперацыях на ўскрайку Бахмута 31 снежня і 3-4 студзеня.

31 снежня 6 чалавек былі паранены: двое з асколачнымі раненнямі і чацвёра — з кантузіяй рознай ступені, расказала камандзір эвакуацыйнай групы батальёна «Волат» «Север».

3 і 4 студзеня пяцёра чалавек атрымалі раненні: трое з кулявымі раненнямі, адзін — з асколачным і яшчэ адзін — з кантузіяй.

Раней стала вядома пра раненне Дзяніса Урбановіча, лідара «Маладога фронту». Яго параніла ў грудную клетку ў баі на ўсходзе краіны.

«Дактары кажуць, што ўсё загоіцца, толькі час трэба», — запэўнівае ваяр Палка Каліноўскага. — Трапіла куля проста ў грудзі, пайшла па целе ды ўперлася ў рэбры. Дыхаць не вельмі добра, лёгкае пашкоджана».

Па яго словах, пашкоджана дыяфрагма, грудная клетка і зламаны дзве рабрыны.

«У лёгкіх застаецца кроў, цяпер ставяць дрэнаж», — дадаў Дзяніс. Яму ўжо зрабілі аперацыю. Баец пачуваецца збольшага нармальна.

Дзяніс Урбановіч трапляе ў шпіталь ужо трэці раз. Улетку яго кантузіла, а ў лістападзе ён атрымаў асколачнае раненне. Полк Каліноўскага ўдзельнічае ў абароне Бахмута. Гэта самае гарачае месца фронту цяпер.

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: