Анджэй Дуда: У пэўным сэнсе Пуцін уключыў Беларусь у склад Расіі

Прэзідэнт Польшчы Анджэй Дуда пагутарыў з журналістамі перад пачаткам другога дня саміту NATO у Мадрыдзе. Ён адказаў на пытанне найбуйнейшага да закрыцця беларускага партала, прызнанага «экстрэмісцкім», аб верагоднасці ўступлення Беларусі ў вайну ва Украіне.


— Сёння ў нас сітуацыя, калі ў ваенным дачыненні Беларусь не з'яўляецца асобнай ад Расіі краінай, — заявіў Анджэй Дуда падчас выступу перад пачаткам другога дня саміту NATO. — У гэтым сэнсе Уладзімір Пуцін уключыў Беларусь у склад Расіі, Беларусь стала яшчэ адной расійскай вайсковай акругай або часткай Заходняй ваеннай акругі Расійскай Федэрацыі. Не скажу, што адчуваю небяспеку ад рэжыму Лукашэнкі. Небяспека ёсць, яна рэальная, і гэта небяспека з боку Расіі.

— Што вы думаеце аб магчымым уступленні Беларусі ў вайну?

— Я не думаю, што Беларусь афіцыйна ўступіць у гэтую вайну. Вядома, ёсць некаторая падтрымка з беларускага боку расійскай арміі, яе войскам, — адказаў Анджэй Дуда. — Існуюць Беларускія шпіталі, у якіх утрымліваюцца расійскія жаўнеры, і яны атрымліваюць медыцынскую дапамогу ў гэтых шпіталях. Аднак я не думаю, што беларускія ўлады і беларускае грамадства ўсё ж вырашаць уступіць у гэтую вайну і падтрымаюць агрэсію супраць Украіны.



Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: