Два мільёны ўцекачоў з Украіны трапілі ў Польшчу

На сёння толькі ў Польшчу з Украіны трапілі больш за 2 мільёны ўцекачоў.

Пра гэта паведаміла памежная служба Польшчы: "Сёння, 18 сакавіка, колькасць бежанцаў з Украіны перавысіла 2 мільёны чалавек. У асноўным гэта жанчыны і дзеці".

Паводле звестак ЮНІСЕФ, з пачатку вайны штодня бежанцамі становяцца ў сярэднім больш за 75 тысяч дзяцей.

"Яшчэ больш шакавальная лічба: кожную хвіліну краіну пакідаюць 55 дзяцей", — казала на гэтым тыдні прэс-сакратар ЮНІСЕФ Джэймс Элдэр.

Усяго пасля нападу Расіі на Украіну пакінулі свае дамы і шукаюць ратунку за межамі краіны больш за тры мільёны чалавек.

Паводле ВВС