Расія рыхтуе наступ на Кіеў — Мінабароны Брытаніі

Расія мае намер перазагрузіць свае рэсурсы для аднаўлення наступу на Кіеў.

Расійскія войскі могуць рыхтаваць новую наступальную аперацыю на Кіеў, якая будзе ажыццёўленая ў бліжэйшыя дні, паведамляе www.unian.net.

Такую заяву зрабіла Міністэрства абароны Вялікабрытаніі. У брытанскім ведамстве паведамілі, што Расія мае намер перазагрузіць свае рэсурсы для аднаўлення наступальнай дзейнасці ў бліжэйшыя дні.

"Гэта, верагодна, будзе ўключаць аперацыю супраць Кіева", — гаворыцца ў паведамленні.

Паводле інфармацыі брытанскага Міністэрства абароны, пакуль наступу Расіі перашкаджаюць праблемы лагістыкі і моцны супраціў Украіны.