Валанцёры InformNapalm сістэматызавалі незвычайныя знакі на расійскай тэхніцы (фота, відэа)

Расія выкарыстоўвае 4 асноўныя знакі — касая лінія, літара Z, трохкутнік і круг. Кожны з іх прызначаны для нападу на ўкраінскія напрамкі.

Міжнародная валанцёрская арганізацыя InformNapalm змагла ўстанавіць, якія тактычныя знакі ўсталёўваюць у РФ у розных напрамках. Вынікі апублікаваныя на іх старонцы ў телеграм-канале.

Як пішуць аўтары, расійскія вайскоўцы выкарыстоўваюць такую сімволіку ў розных напрамках:

Крымская групоўка — касая лінія на кузаве. Іх мэтай будзе Херсон;

Белгарадская групоўка — літара Z, на Харкаў;

Трохкутнік — для падраздзяленняў на Славянск і Краматорск;

Круг — для мабільнага рэзерву.

Тым часам у сацыяльных сетках працягваюць публікаваць перамяшчэнне расійскіх войскаў у памежных з Украінай абласцях. У прыватнасці, у Валуйскім раёне (Белгарадская вобласць) заўважаныя калоны тэхнікі без апазнавальных знакаў. Відэа знята ў 8 км ад украінскай мяжы.

У Старым Осколе (35 км ад мяжы з Украінай) была заўважаная калона тэхнікі, сярод якой была цяжкая агнямётная ўстаноўка. Аднак высветліць, якая менавіта мадыфікацыя трапіла на відэа не атрымалася.