411-ты дзень вайны. У расійскіх гарадах адмяняюць парады 9 траўня

Сабралі для вас самае істотнае, што адбылося за астатні дзень.

У Кіеве змянілі некаторыя ваенныя планы з-за меркаванай уцечкі амерыканскіх засакрэчаных ваенных дакументаў, распавяла CNN крыніца, блізкая да прэзідэнта Украіны Уладзіміра Зяленскага. Што гэта за планы і якія змены ў іх унеслі, не ўдакладняецца.

У расійскім Курску з меркаванняў бяспекі не будуць праводзіць парад на 9 траўня, паведаміў губернатар Раман Старавойт. Гэта звязана з пазіцыяй аперштаба рэгіёна, які на мінулым тыдні вырашыў узмацніць антытэрарыстычныя меры.
На мінулым тыдні парад таксама адмянілі ў Белгарадскай вобласці. Губернатар Вячаслаў Гладкоў тлумачыў гэта нежаданнем "правакаваць суперніка".
У Мінабароны РФ заявілі, што расійскія вайскоўцы пачалі адпрацоўваць абарону паўночна-заходніх межаў пасля ўступлення Фінляндыі ў НАТА. Пра гэта распавёў камандуючы войскамі СПА-ПРА, намеснік галоўнакамандуючага Паветрана-касмічных сіл Расіі Андрэй Дзёмін у інтэрв'ю газеце Мінабароны РФ «Чырвоная зорка», не ўдакладніўшы, як менавіта вайскоўцы адпрацоўваюць «абарону мяжы».
Ранішняя зводка:
За мінулыя суткі расійскія войскі нанеслі 26 авіяцыйных і чатыры ракетныя ўдары. Дзве расійскія ракеты патрапілі ў аб'екты грамадзянскай інфраструктуры Запарожжа, ёсць загінулыя і параненыя сярод мірных жыхароў. Таксама дзвюма расійскімі ракетамі быў абстраляны аб'ект грамадзянскай інфраструктуры ў Канстанцінаўцы Данецкай вобласці. У Купянску Харкаўскай вобласці і Дружкаўцы Данецкай вобласці з-за абстрэлу з РСЗА пашкоджаны аб'екты грамадзянскай інфраструктуры, жылыя будынкі, паранены мірныя жыхары.
Вораг працягвае засяроджваць асноўныя намаганні на спробах наступу на Ліманскім, Бахмуцкім, Аўдзееўскім і Мар'інскім кірунках. За мінулыя суткі ўкраінскія вайскоўцы адбілі 58 нападаў.
Расійскія ўлады працягваюць прымусовую пашпартызацыю насельніцтва на акупаванай тэрыторыі Запарожскай вобласці. У прыватнасці, у горадзе Токмак акупацыйная адміністрацыя аб'явіла, што для атрымання расійскага пашпарта трэба падаць пашпарт грамадзяніна Украіны, пасведчанне аб нараджэнні і зрабіць адбіткі пальцаў.
Пры гэтым адзначаецца, што арыгінал пашпарта грамадзяніна Украіны і пасведчанні аб нараджэнні нібыта будуць вяртаць назад уладальнікам.
Новыя паказчыкі змагання ў вайне: