Калі скончыцца вайна? Новы прагноз ад Арастовіча

Аляксей Арастовіч, дарадца офіса ўкраінскага прэзідэнта, даў новы прагноз па тэрмінах вайны

Аляксей Арастовіч упэўнены, што вайна будзе доўжыцца яшчэ мінімум тры месяцы. Такім чынам у офісе прэзідэнта Зяленскага патлумачылі ініцыятыву падаўжэння ваеннага становішча да канца жніўня.

Малаверагодна, што вайна скончыцца да канца лета. Такі прагноз агучыў дарадца офіса прэзідэнта Аляксей Арастовіч у сераду, 18 траўня.

"Мне абсалютна зразумела, што да восені гэтая вайна наўрад ці скончыцца", — сказаў ён.

У сувязі з гэтым Арастовіч лічыць сумленнай прапанову прэзідэнта Уладзіміра Зяленскага падоўжыць ваеннае становішча на 90 дзён — да 25 жніўня.

"Кожны раз працягваць ваеннае становішча на 30 дзён — гэта даваць ілжывыя надзеі ўкраінцам", — перакананы Арастовіч.

Таксама ён інфармаваў, што наступнай фазай вайны для акупантаў будзе пераход да абароны, і "рускія гэта ўжо выразна зразумелі".

Раней у офісе ўкраінскага прэзідэнта заявілі, што Украіна можа завяршыць вайну супраць Расіі да канца 2022 года пры ўмове, што заходнія партнёры ўвядуць нафтавае эмбарга і паставяць танкі, самалёты і артылерыю.

Паводле korrespondent.net



Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: