Кіеўскую вобласць цалкам вызвалілі ад расійскіх войскаў

Кіеўская вобласць цяпер цалкам вызваленая ад войскаў РФ.

Украінскія вайскоўцы цалкам вызвалілі ад расійскіх акупацыйных войскаў тэрыторыю Кіеўскай вобласці. Украінскія ўзброеныя сілы вярнулі пад кантроль Ірпень, Бучу, Гастомель і іншыя населеныя пункты.

Пра гэта паведаміла намесніца міністра абароны Украіны Ганна Маляр. «Ірпень, Буча, Гастомель і ўся Кіеўская вобласць — вызваленыя ад захопніка», — заявіла яна на сваёй старонцы ў Facebook. І дадала, што пакуль «варта ўстрымацца ад заезду ў вызваленыя населеныя пункты, пакуль не завершыцца размініраванне».