Мілата дня. З харкаўскага экапарка эвакуявалі кенгуру (фота, відэа)

З харкаўскага экапарка «Фельдман» эвакуявалі васьмярых кенгуру розных відаў — дарослых і дзіцянятаў. Пра эвакуацыю паведаміў заснавальнік экапарка Аляксандр Фельдман, піша unian.net.

«Гэтых кенгуру ўдалося вывезці пазаўчора, гэта значыць цяпер яны ўжо ў бяспецы. Гэта вельмі прыемна, бо іх вальеры, на жаль, неаднаразова падвяргаліся абстрэлам. Верым, што цяпер у іх будзе добра!» — напісаў Аляксандр Фельдман.

Зараз жывёлы знаходзяцца ў валанцёраў, іх рыхтуюць да эвакуацыі ў больш бяспечныя гарады.

Пасля пачатку вайны жывёлы ва ўкраінскіх заапарках апынуліся ў скаладанай сітуацыі. Безабаронныя, яны церпяць ад абстрэлаў, холаду і недахопу ежы, а таксама спазнаюць моцны жах ад гуку выбухаў.


Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: