Мінабароны Брытаніі: Расійскія войскі ва Украіне не атрымліваюць абяцаных заробкаў і прэмій

Расійскія ўзброеныя сілы пастаянна не забяспечваюць базавыя патрэбнасці ваеннаслужачых, дыслакаваных ва Украіне, у тым ліку адпаведную форму, зброю і пайкі, а таксама аплату працы.


Гэта амаль напэўна садзейнічала захаванню крохкага маральнага духу большай часткі сіл, упэўнены ў ведамстве, напісана ў Twitter Мінабароны Вялікабрытаніі.

На думку брытанскіх ваенных, праблема з аплатай у расійскай арміі, якая ваюе ва Украіне, звязана з «неэфектыўнай ваеннай бюракратыяй, незвычайным прававым статусам “спецыяльнай ваеннай аперацыі” і як мінімум адкрытай карумпаванасцю каманднага складу».

У рускіх узброеных сілах прыбытак вайскоўцаў складаецца са сціплага асноўнага акладу, дапоўненага складаным наборам прэмій і надбавак. Ва Украіне, хутчэй за ўсё, узніклі сур'ёзныя праблемы з нявыплатай буйных баявых прэмій, упэўненыя ў Мінабароны Вялікабрытаніі.

Па звестках СМІ, усё больш расійскіх кантрактнікаў адмаўляюцца ўдзельнічаць у ваенных дзеяннях ва Украіне. Замест таго, каб падпісаць рапарт на звальненне, вайсковае кіраўніцтва адпраўляе «адмоўнікаў» у лагеры — ізалятары на тэрыторыі так званых «ЛНР» і «ДНР», дзе з вайскоўцамі праводзяць «тлумачальную працу» — б'юць, катуюць, не кормяць і сілком адпраўляюць у зону вядзення баявых дзеянняў.




Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: