Расія абстраляла Херсон, шмат забітых і параненых (фота 18+)

21 лютага Херсон скаланула серыя магутных выбухаў, у выніку якіх загінулі людзі. Колькасць ахвяр удакладняецца, але ўжо вядома прынамсі пра пяцёх загінулых. Нагадаем, у лістападзе Херсон быў вызвалены ад расійскай акупацыі.

1676985491_5322.jpg

Аб серыі выбухаў у горадзе на поўдні Украіны паведаміў кіраўнік Херсонскай абласной ваеннай адміністрацыі Аляксандр Пракудзін у сваім тэлеграм-канале.

«Херсон пад абстрэлам. Як Мяркуецца, "Град". Каля 20 выбухаў», — напісаў ён.

Мясцовых жыхароў адразу заклікалі знаходзіцца ў хованках або ў іншых бяспечных месцах. Паблікі Херсона пачалі пісаць аб тым, што па горадзе сапраўды шмат «пралётаў», пры гэтым месцы не ўдакладняліся.

Пазней з'явілася інфармацыя аб першых пацярпелых. У прыватнасці, адна з ракет трапіла ў аўтобусны прыпынак, дзе на той момант знаходзіліся людзі.

«Быў "прылёт" па прыпынку, ёсць шмат параненых», — пісалі мясцовыя тэлеграм-каналы.

Пазней украінскія крыніцы паведамілі пра шасцёх загінулых у выніку абстрэлу прыпынку грамадскага транспарту. Аднак праз нейкі час інфармацыю ўдакладнілі: загінулі пяць чалавек.

Яшчэ праз нейкі час з'явіліся звесткі таксама пра 12 параненых у выніку расійскай атакі.

1200_0_1676980450_2942.webp
1200_0_1676980450_6073.jpg
1200_0_1676980450_6073.jpg
1200_0_1676980450_4149.webp

Прэзідэнт Украіны Уладзімір Зяленскі пракаментаваў жорсткі абстрэл Херсона, у выніку якога загінулі шэсць чалавек.

Як напісаў Зяленскі ў сваім тэлеграм-канале, расійскае войска масіравана абстрэльвае Херсон і бязлітасна забівае мірнае насельніцтва.

Расійскія снарады трапілі ў аўтапарк, жылыя масівы, шматпавярховік і прыпынак грамадскага транспарту. На жаль, ёсць пацярпелыя і загінулыя, адзначыў Зяленскі. Ён выказаў спачуванні ўсім, хто страціў родных.

«Свет не мае права ні на хвіліну забываць, што расійская жорсткасць і агрэсія не маюць межаў. Дзяржава-тэрарыст будзе адказваць за ўсе свае бесчалавечныя злачынствы супраць нашага народа і Украіны», — падкрэсліў прэзідэнт.

1676986607_4002.webp
1676986361_4062.jpg

9 лістапада ў Мінабароны РФ паведамілі, што пасля шматмесячнай акупацыі расійскія войскі пакідаюць Херсон і правобярэжжа вобласці. Пазней акупанты ўзарвалі масты на Херсоншчыне і Мікалаеўшчыне.

11 лістапада УСУ зайшлі ў Херсон. Увечары ў той жа дзень Зяленскі ў сваім відэазвароце пацвердзіў гэтую інфармацыю. Таксама было дэакупавана ўсе правабярэжжа Херсонскай вобласці.

14 лістапада прэзідэнт Украіны наведаў Херсон, тады над горадам афіцыйна паднялі ўкраінскі сцяг.

Паводле unian.net, фота з украінскіх тэлеграм-каналаў і тэлеграм-канала Уладзіміра Зяленскага.