Расія мяняе заканадаўства адносна прызыву: прыхаваная мабілізацыя пачалася

У РФ разглядаюцца змены заканадаўства па прызыву.

Разглядаюцца змены, якія тычацца магчымасці прызыву не толькі 2 разы на год, а ў любы момант. Скрыншот 

Разглядаюцца змены, якія тычацца магчымасці прызыву не толькі 2 разы на год, а ў любы момант. Скрыншот 

Начальнік Галоўнага ўпраўлення разведкі Мінабароны Украіны Кірыл Буданаў паведаміў, што ў РФ разглядаюцца змены заканадаўства па прызыву.

Пра гэта ён сказаў у эфіры Усеўкраінскага інфармацыйнага тэлемарафона.

«Цяпер разглядаюцца змены заканадаўства па прызыву ў Расійскай Федэрацыі. Першае, разглядаюцца змены, якія тычацца магчымасці прызыву не толькі 2 разы на год, а ў любы момант, калі гэта будзе трэба, а, па-другое, па павышэнні адказнасці за ўхіленне ад праходжання вайсковай службы... Людзі масава спрабуюць не трапіць на вайну ў Украіне», — сказаў Буданаў.

Ён таксама адзначыў, што цяпер Расія праводзіць прыхаваную мабілізацыю, і яна ідзе двума шляхамі.

«Першае — гэта фактычная мабілізацыя, а другое — выкарыстанне рэзервістаў. У іх гэта называецца «барс» — гэта значыць «баявы армейскі рэзерв краіны». Па сутнасці гэта рэзервісты, якіх на кароткатэрміновыя кантракты прыцягваюць да выканання баявых дзеянняў. Гэтыя факты абсалютна пацверджаныя, у нас ёсць палонныя, якія былі прыцягнутыя па гэтай сістэме», — сказаў Буданаў.

Таксама кіраўнік ГУР Мінабароны адзначыў, што цяпер у Расіі значны недахоп баявой тэхнікі і яны «раскансервуюць» тэхніку з баз рэзервавання.

«Гэтая тэхніка там стаіць з 60-х, 70-х, 80-х гадоў... яна толькі ўмоўна можа называцца баявой тэхнікай», — сказаў Буданаў.

Вайна ва Украіне і мабілізацыя ў РФ

Паводле звестак ГУР Мінабароны, у Расіі працягваюцца спробы праводзіць так званую «прыхаваную мабілізацыю» — лазіцца актыўная агітацыйная кампанія, а таксама накіраванне ў зону баявых дзеянняў выпускнікоў і курсантаў вайсковых вучэльняў.

Раней у МУС Украіны заяўлялі, што пасля новай спробы расіян актывізаваць баявыя дзеянні ва Украіне ў прэзідэнта РФ Уладзіміра Пуціна застануцца два варыянты рашэнняў: замарожванне канфлікту або адкрытая мабілізацыя.

Расіяне прызыўнога ўзросту негатыўна ставяцца да перспектывы мабілізацыі, некаторыя мелі смеласць назваць вайну ва Украіне злачыннай.

 Паводле www.unian.net