FIG не дазволіць спартоўцам РБ і РФ удзельнічаць у спаборніцтвах нават пад нейтральным сцягам
Міжнародная федэрацыя гімнастыкі (FIG) увяла санкцыі супраць прадстаўнікоў Расіі і Беларусі, паведаміў міністр моладзі і спорту Украіны Вадзім Гутцайт.
«На просьбу ўкраінскай федэрацыі гімнастыкі Міжнародная федэрацыя гімнастыкі (FIG) таксама ўвяла санкцыі супраць прадстаўнікоў краін-агрэсараў», — паведаміў ён, піша АФН.
У прыватнасці, па словах міністра, санкцыямі вызначана, што:
- расійскім і беларускім спартоўцам забаронена выступаць на міжнародных спаборніцтвах як пад нацыянальнымі, так і пад нейтральнымі сцягамі;
- Расію і Беларусь пазбавілі права праводзіць афіцыйныя міжнародныя спаборніцтвы на іх тэрыторыях.
