Абвешчана пра фарміраванне ва Украіне беларускага палка «Пагоня»

Яго ўтварылі беларускія афіцэры пры падтрымцы Узброеных сілаў Украіны «для абароны незалежнасці і тэрытарыяльнай цэласнасці Украіны, а таксама з мэтай стварэння асновы для новай прафесійнай беларускай арміі», — гаворыцца ў паведамленні пра яго стварэнне.

Рэкрутынгавы цэнтр палка «Пагоня» размешчаны ў Варшаве. Перавагу аддаюць мужчынам ва ўзросце ад 20 да 40 гадоў, якія маюць досвед вайсковай службы, піша «НН».

Таксама разглядаюцца кандыдаты з добрым узроўнем фізічнай падрыхтоўкі, спартоўцы. Пасля курса вайсковай падрыхтоўкі ўсе кандыдаты падпісваюць кантракт і атрымліваюць афіцыйны статус вайскоўца Інтэрнацыянальнага легіёна УСУ.

Падрыхтоўка ажыццяўляецца пад кіраўніцтвам вопытных беларускіх і ўкраінскіх інструктараў. Кантракт прадугледжвае аклад і страхоўку жыцця і здароўя, пішуць у паведамленні.