Расійцы накрылі агнём цэнтр Херсона: шмат загінулых і параненых (фота 18+)

У выніку расійскага ўдару па цэнтры Херсона папярэдне 35 чалавек параненыя, 16 з іх знаходзяцца ў цяжкім стане.

Расійскія акупанты ў чарговы раз абстралялі цэнтр Херсона, загінула пяць чалавек, яшчэ 20 атрымалі раненні, паведамілі спачатку ў Офісе Уладзіміра Зяленскага.

«Херсон. Расійцы здзейснілі чарговы тэрор — абстралялі цэнтр горада! Загінулі людзі, разбураныя будынкі. Цэнтр горада, выхадны дзень, шмат людзей на вуліцы», — адзначылі ў ОП.

Паведамляецца, што на месцы працуюць усе неабходныя службы, наступствы ўдараў высвятляюцца.

Пазней стала вядома, што ў выніку абстрэла 35 чалавек былі параненыя, 16 з іх знаходзяцца ў цяжкім стане.

З-за сваёй блізкасці да лініі фронту Херсон падвяргаецца масіраваным артылерыйскім абстрэлам з боку расійцаў штодня. Акупанты, адкінутыя на левы бераг Дняпра, адкрываюць агонь, у прыватнасці, па жылых кварталах і лініях камунікацый абласнога цэнтра.

14 снежня Расія ўдарыла па цэнтры Херсона, патрапіўшы ў будынак абласной дзяржадміністрацыі. У адказ на ўдары ВС РФ украінскія войскі б'юць па пазіцыях саміх акупантаў.

Паводле unian.net.