«Стымуляваць быць актыўнымі»: Польшча спыняе выплаты ўкраінскім бежанцам

Польскія ўлады вырашылі не выплачваць дапамогу ўкраінскім уцекачам.

Украінскім уцекачам у Польшчы спыняць выплату дапамогі. Сацвыплаты пакінуць толькі для людзей з абмежаванымі магчымасцямі, цяжарных жанчын і шматдзетных сем'яў паведамляе korrespondent.net

У Польшчы з 1 ліпеня ўкраінскім бежанцам спыняць выплачваць дапамогу ў памеры 40 злотых на суткі. Аб гэтым заявіў намеснік кіраўніка МУС Польшчы і ўпаўнаважаны ўрада па справах бежанцаў Павел Шэфернакер.

"Мы перакананыя, што многія людзі ў Польшчы здольныя стаць незалежнымі і адаптавацца", — заявіў ён.

Пры гэтым Шэфернакер адзначыў, што некаторым катэгорыям бежанцаў выплаты будуць падоўжаныя — у прыватнасці, людзям з абмежаванымі магчымасцямі, цяжарным жанчынам і шматдзетным сем'ям.

"Мы выплачваем велізарную сацыяльную дапамогу — ад 300 злотых для кожнага да 500 злотых на кожнае дзіця і іншых асоб, якія маюць патрэбу ў сацыяльных выплатах. Таксама мы бачым, што многія ўкраінцы шукаюць працу і знаходзяць яе. Мы хочам стымуляваць іншых быць актыўнымі", — падкрэсліў Шэфернакер.

Ён дадаў, што чатыры месяцы поўнай абароны — гэта дастатковы час для адаптацыі ў краіне.