Украінская выведка апублікавала імёны асобаў, якія маюць дачыненне да бойні ў Бучы

Выведка апублікавала імёны акупантаў, якія маюць дачыненне да бойні ў Бучы. У спісе персанальныя даныя вайскоўцаў 64-й асобнай мотастралковай брыгады, якія, паводле выведкі, зладзілі масавыя забойствы мясцовых жыхароў падчас акупацыі часткі Кіеўскай вобласці, паведамляе korrespondent.net.

Галоўная ўправа выведкі Міністэрства абароны Украіны ў панядзелак, 4 красавіка, апублікавала спіс расійскіх вайскоўцаў 64 асобнай мотастралковай брыгады (АМСБр), якіх назвала датычнымі да забойстваў мірных жыхароў Бучы ў Кіеўскай вобласці.

"Выведка Украіны атрымала спіс вайскоўцаў 64 АМСБр, якія ўчынілі вайсковыя злачынствы супраць народа Украіны ў горадзе Буча", — гаворыцца ў паведамленні.

У выведцы падкрэслілі, што за здзейсненыя злачынствы супраць мірнага насельніцтва Украіны ўсе ваенныя злачынцы паўстануць перад судом і будуць прыцягнутыя да адказнасці.

Спіс ваенных злачынцаў можна паглядзець па спасылцы. У ім утрымліваюцца сотні імёнаў ад палкоўніка да шарагоўца.

Раней дарадца кіраўніка Офіса прэзідэнта Украіны Аляксей Арастовіч апублікаваў назвы частак і падраздзяленняў вайскоўцаў РФ, якія маюць дачыненне да забойстваў на Кіеўшчыне.