Дапамажыце нясмеламу Джорджыку стаць шчаслівым!
Ёсць сабакі, усё жыццё якіх засяроджана на чалавеку. Джорджык з такіх. Ён абажаў свайго гаспадара, і яго смерць стала для Джорджа сапраўдным канцом свету. Сваякам сабака быў не патрэбны. На шчасце, ён трапіў да валанцёраў, а не на вуліцу.
Джорджык нясмелы і няўпэўнены — горш не прыдумаеш для такога сабакі, як застацца аднаму.
Вядома, са сваім чалавекам ён зусім іншы. Вясёлы, добры, ласкавы. Любіць прагулкі. Крочыць на ланцужку ўпэўнена, грудзі колам, хвост пісталетам, носіцца стралой. Выдатна ладзіць з іншымі сабакамі. Радасна сустракае гаспадара дома.
Джорджыку 1,5 года, спакладаны, прышчэплены, апрацаваны ад паразітаў, каля 43 см у карку.Добра гуляе на ланцужку. Навучаны некаторым камандам.
Шукае людзей з вялікім сэрцам, як у яго самога. Якія вельмі любяць сабак і разумеюць іх. Якія палюбяць нясмелага, месцамі нязграбна-пацешнага Джорджыка і прымуць яго безумоўную любоў.
Толькі ў якасці паўнавартаснага члена сям'і. Тэлефануйце: +375 (29) 860-32-07 Марыя.
