Лорд — разумны і кантактны, чакае сябра ці сяброўку! Абноўлена: знайшоў дом

У адзін летні дзень адна з валанцёрак з сяброўкамі вырашыла наведаць музей Янкі Купалы ў Вязынцы. Па дарозе да іх выйшаў худы і стомлены сабака, яны пакармілі яго, чым было, а потым пачалі ездзіць і падкормліваць.

Спачатку сабака паводзіўся вельмі асцярожна, але з кожным разам падыходзіў усё бліжэй. Праз нейкі час валанцёраў чакалі яшчэ і двое шчанюкоў, якіх мама прывяла да добрых людзей. Шчанюкоў забралі на ператрымку і назвалі Лорд і Лэдзі. Імёны вельмі пасавалі характарам малых.

Зараз Лэдзі ўжо ў новым доме, але Лорд крыху затрымаўся.

Знаёмцеся — гэта Лорд. Яму каля 3-4 месяцаў. Ён вельмі разумны і кантактны. Спачатку можа трохі асцярожнічаць, але праз некалькі хвілін асвойваецца і з задавальненнем абнюхвае новых людзей.


Вельмі добра засвойвае каманды, і як і любы шчанюк яго ўзросту, любіць пагуляцца і пагарэзіць.

Лорд здаровы, прышчэплены, з задавальненнем ужывае сухі корм, ведае, што такое пялюшка, і засвойвае выгул.

Вырасце прыгожым статным сабакам і будзе самым лепшым для сваіх гаспадароў!

Тэлефануйце і прыязджайце на аўдыенцыю да Лорда.

+375 (29) 577-85-06 Кацярына



Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: