Маладзенькая адданая Умка шукае гаспадароў, якія ёй не здрадзяць

Прыкладна 2 месяцы таму ля крамы ў адной з вёсак Міншчыны спыніўся аўтамабіль, адчынілася дзверка, з яе выкінулі сабаку, а аўто хуценька з'ехала.

Такая гісторыя — звычайная для валанцераў, змяняюцца толькі месцы дзеяння. Вынік амаль заўсёды адзіны — сабака, які нічога не разумее, суткамі сядзіць на тым самым месцы і просіць ежу.

Потым на сабаку выклікаюць адстрэл альбо забіваюць мясцовыя жыхары, "каб курэй не паеў".

Умцы пашанцавала — літаральна ў дзень, калі сабачку павінны былі "адстрэліць", на дапамогу прыехалі валанцёры. Яны забралі худзенькую небараку на ператрымку.

Невядома, што стала нагодай такога вар'яцкага ўчынку, але Умка досыць разумны і добры сабака. Дзяўчынцы цяпер каля 2 гадоў, яна здаровая і стэрылізаваная.

Умка досыць чалавекаарыентавая і пазітыўная. Добра ведае выгул, спакойна ходзіць на ланцужку, любіць пагуляць з вялікімі сабакамі.

Адзінае, не вельмі любіць маленькіх сабакаў ды катоў.


Умка шукае гаспадароў, якія яе будуць любіць ды ніколі не здрадзяць.

Глядзіце, тэлефануйце і прыязджайце знаёміцца!

+375 (29) 873-28-23 Святлана (ёсць Вайбер)

+3752 (29) 707-69-09 Марыя



Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: