Прыгажун Мішка любіць увесь свет і шукае дом. Абноўлена: знайшоў!
Летам у Калядзічах, што зусім побач з Мінскам, невядома адкуль з'явіліся два шчанюкі. Яны бегалі па вуліцы, заглядвалі ў двары. Дзесьці ім перападала трошкі ежы, дзесьці іх наўпрост гналі прэч.
Зусім побач з вёскай праходзіць сталічная колавая, і ці трапяць шчанюкі пад колы, было пытаннем часу. Балазе адна з мясцовых жыхарак не вытрымала і забрала небарак на ператрымку.
Неўзабаве адзін шчанюк знайшоў
дом. А вось Мішка пакуль яшчэ чакае.
Знаёмцеся — гэты прыгажун і ёсць Мішка! Яму каля васьмі месяцаў, апрацаваны ад паразітаў і прышчэплены.
Мішка зусім непераборлівы ў ежы — яму даспадобы і натуральны, і сухі рацыёны. А таксама ён вельмі любіць хадзіць на шпацыры!
Пабегаць і пагуляцца для яго — самы любімы занятак. Здаецца, Мішка любіць увесь свет! Ён вельмі добразычлівы і таварыскі, любіць дзяцей і сябруе з катамі і іншымі сабакамі.
Тэлефануйце і прыязджайце знаёміцца з гэтым цудам!
+375 (29) 695-60-56 Таццяна
+375 (29) 877-29-32 Марыя.
