Пад Кіевам усталявалі памятную шыльду ў гонар загінулага каліноўца Аляксея Скоблі (фота)
Беларускі і ўкраінскі герой Аляксей Скобля (пазыўны «Тур») загінуў блізу сяла Машчун, прыкрываючы пабрацімаў падчас наступу расійскіх войскаў на Кіеў 13 сакавіка 2022 года.
На месцы палеглых
абаронцаў Украіны з дапамогай дабрачыннага фонду «Бадры Лолашвілі» ў
ляску каля сяла паўстаў мемарыял «Янголи перемоги».
Шыльду ў гонар
Аляксея Скоблі ўсталявалі непадалёк, непасрэдна на месцы ягонай гібелі, дзе
адбываліся зацятыя баі з расійскімі акупантамі.
Актывісты
беларускага хаба «Сустрэча» пасадзілі кветкі і ўзнялі бел-чырвона-белы сцяг. У
мерапрыемстве таксама прынялі ўдзел камандзір палка Каліноўскага Дзяніс Прохараў (пазыўны «Кіт») і прадстаўнікі дабрачыннага фонду.
