Расія мяняе законы для ўсынаўлення ўкраінскіх дзяцей?

Расія мяняе законы для ўсынаўлення ўкраінскіх дзяцей. Законапраект накіраваны на тое, каб расіяне змаглі ўсынаўляць украінскіх дзяцей, бо ў іх заканадаўстве цяпер забаронена браць дзяцей-замежнікаў, паведаміла ўпаўнаважаная Вярхоўнай Рады па правах чалавека Людміла Дзянісава.

Людміла Дзянісава распавяла пра сітуацыю з дэпартаванымі з Украіну ў РФ дзецьмі. Улады Расіі вядуць працу над змяненнем заканадаўства, каб спрасціць працэдуру ўсынаўлення, паведамляе korrespondent.net.

Так, з расійскіх СМІ стала вядома, што ў Дзярждуму ўжо ўнеслі законапраект “Аб спрошчанай рэгістрацыі дзяцей-сірот і дзяцей, пазбаўленых бацькоўскай апекі”. Дзякуючы гэтым зменам, украінскія дзеці, якіх прымусова вывезлі на тэрыторыю РФ, змогуць у паскораным рэжыме атрымаць грамадзянства і дакументы Расіі.

Таксама гэты законапраект накіраваны на тое, каб расіяне змаглі ўсынаўляць украінскіх дзяцей, бо ў іх заканадаўстве забаронена браць дзяцей-замежнікаў.

"Прыняцце такога закона істотна ўскладніць магчымасць дзяцей вярнуцца ва Украіну і пацягне парушэнне іх права падтрымліваць сувязь з роднымі на тэрыторыі Украіны", — прагназуе Дзянісава.

Паводле яе слоў, расійскія СМІ паведамляюць, што з Украіны прымусова вывезлі каля 200 тысяч дзяцей. Іх дэпартуюць ва ўсе рэгіёны Расіі. Умовы знаходжання дзяцей, стан іх здароўя невядомыя.


Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: