Шчасця маладым! Пабраліся шлюбам Вераніка «Сон» і Аляксей «Вуж» з палка Каліноўскага

Як паведамляе прэс-служба палка імя Кастуся Каліноўскага, на адну сям'ю беларусаў стала больш.
«Добраахвотнікі Палка Каліноўскага Вераніка «Сон» і Аляксей «Вуж» павянчаліся ў Кіеве ў першы месяц поўнамаштабнай вайны. Учора Ніка і Лёша афіцыйна зарэгістравалі свой шлюб ва Украіне.

Сябры, прыміце самыя шчырыя віншаванні! Мы вас любім і будзем любіць заўсёды — нават калі вы назавяце сваіх будучых дзяцей Байрактарам і Джавелінай!))» — віншуе маладых полк Каліноўскага.

Нягледзячы на жахі вайны, маладыя людзі абралі ісці далей па жыцці разам.

Няхай яны пройдуць гэты шлях насуперак гвалту і тэрору, якія адбываюцца вакол.

«Новы Час» зычыць маладым прынесці плён адно аднаму, а таксама сваёй бацькаўшчыне і Украіне.




Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: