767-мы дзень вайны: 10 тысяч чалавек у Адэскай вобласці засталіся без электраэнергіі
Расіяне скінулі бомбу вагой 1500 кг на Сумскую вобласць, украінцы знішчылі 18 паветраных цэляў з 27.
Фота: Генштаб УСУ
***
Расійскія агрэсары ажыццявілі запускі 16 ракет рознага тыпу, а таксама 11 дронаў Shahed-136/131.
У ноч на нядзелю падраздзяленні ўкраінскай СПА знішчылі большасць ракет і дронаў, якія выпусцілі расіяне. Расіяне атакавалі 14 крылатымі ракетамі Х-101/Х-555 з самалётаў стратэгічнай авіяцыі Ту-95МС, 11 «шахедамі», балістычнай ракетай «Іскандэр-М» і кіраванай авіяцыйнай ракетай Х-59.
У адказ УСУ задзейнічалі зенітныя ракетныя падраздзяленні і знішчальную авіяцыю, мабільныя агнявыя групы, сродкі радыёэлектроннай барацьбы.
У выніку супрацьпаветранага бою знішчана 18 паветраных цэляў: 9 крылатых ракет Х-101 / Х-555 і 9 ударных БПЛА «Shahed-136/131».
***
Падчас начной паветранай трывогі 31 сакавіка, Расія атакавала крылатымі ракетамі той аб'ект крытычнай інфраструктуры на Львоўшчыне, які быў яго мэтай 24 і 29 сакавіка. У выніку ўдара адзін чалавек загінуў.
Акрамя аднаго загінулага, пад заваламі могуць быць людзі — ратавальнікі іх разбіраюць.
Ад ракетнай атакі разбураны адміністратыўны будынак, быў пажар. Украінскія ўлады не ўдакладняюць, куды менавіта трапілі акупанты.
***
Над Адэскай вобласцю СПА Украіны збіла 8 варожых дронаў, падзенне аднаго з «Шахедаў» выклікала пажар і абясточыла некалькі населеных пунктаў.
Пад прыцэлам расіян зноў была энергетычная інфраструктура Адэскай вобласці і аграпрамысловыя магутнасці Херсонскай вобласці. Напружаная баявая праца ўкраінскіх сіл супрацьпаветранай абароны працягвалася каля 2 гадзін.
Падзенне абломкаў збітага дрона выклікала пажар на адным з энергааб'ектаў вобласці, у выніку чаго адбылося абясточванне некалькіх населеных пунктаў. Пажар ратавальнікі ліквідавалі, вядуцца аднаўленчыя работы.
Падчас дронавай атакі расіяне ўжылі і балістыку, і кіраваную авіяцыйную ракету. Трапілі ў закансерваванае аграпрадпрыемства, пацярпелых няма.
Па стане на 10 гадзін раніцы 31 сакавіка без электразабеспячэння ў Адэскай вобласці знаходзяцца 10 тысяч абанентаў.
Глядзіце таксама
***
Праз ракетную атаку Расіяй Украіны ў Польшчы зноў паднялі авіяцыю.
Польскія вайскоўцы адзначылі, што назіралася «дзейнасць далёкай авіяцыі Расійскай Федэрацыі, звязаная з нанясеннем ракетных удараў па аб'ектах, размешчаных на тэрыторыі Украіны».
Узброеныя сілы Польшчы адзначылі, што праз расійскую атаку праводзілі «працэдуры для гарантавання бяспекі паветранай прасторы Польшчы і пастаянна манітораць сітуацыю».
***
117-я асобная брыгада ТрА УСУ паведаміла, што расіяне ўпершыню ўжылі цяжкую авіябомбу вагой 1500 кг, скінуўшы яе ў Сумскай вобласці.
Авіябомбу расіяне скінулі на Вялікапісараўскую суполку. Такія боепрыпасы ў параўнанні з іншымі маюць значна большую сілу выбуху.
***
За суткі расійская армія страціла 650 салдат, таксама знішчаныя 15 расійскіх танкаў, 44 артсістэмы і 7 сродкаў СПА, паведамляе Генштаб Украіны.
Агульныя баявыя страты праціўніка з 24.02.22 па 31.03.24 арыентыровачна склалі:
- асабістага складу — каля 442 170 (+650) чалавек,
- танкаў — 6966 (+15) адз.,
- баявых браніраваных машын — 13 304 (+20) адз.,
- артылерыйскіх сістэм — 11 050 (+44) адз.,
- РСЗА — 1023 (+0) адз.,
- сродкаў СПА — 743 (+7) адз.,
- самалётаў — 347 (+0) адз.,
- верталётаў — 325 (+0) адз.,
- БПЛА аператыўна-тактычнага ўзроўню — 8731 (+30) адз.,
- крылатых ракет — 2048 (+2) адз.,
- караблёў / катэраў — 26 (+0) адз.,
- падводных лодак — 1 (+0) адз.,
- аўтамабільнай тэхнікі і аўтацыстэрнаў — 14717 (+47) адз.,
- спецыяльнай тэхнікі — 1823 (+9) адз.