Анджэй Дуда: Гэта не вайна, а тэрарызм...

Прэзідэнт Польшчы параўнаў злачынствы акупантаў з тэрарызмам. Выканаўцы і тыя, хто аддаваў загады і ўзгадняў гэтыя дзеянні, павінны быць пакараныя, перакананы Дуда.

Прэзідэнт Польшчы Анджэй Дуда заявіў, што дзеянні расійскіх акупантаў на тэрыторыі Украіны можна аднесці да тэрарызму, паведамляе korrespondent.net.

Пра гэта ён сказаў па выніках паездку ва Украіну разам з прэзідэнтамі Латвіі, Эстоніі і Літвы.

Анджэй Дуда распавёў, што падчас візіту пабачыў два твары гэтай вайны. Першы —украінскія вайскоўцы, якія змагаліся з расійскімі акупантамі, выконваючы ўсе правілы і прынцыпы вайны.

"І мы бачылі другі твар гэтай вайны, які складана зразумець... Гэта бамбаваныя жылыя масівы, знішчаныя жылыя дамы. Не вайсковыя аб'екты, а звычайныя дамы, дзе жывуць звычайныя людзі... Я бачыў гэтыя руіны на тэлебачанні, а цяпер убачыў іх у рэальным жыцці. Складана ў гэта паверыць. Таму я сказаў спадару прэзідэнту Зяленскаму, што гэта не вайна, а тэрарызм... гэта жорсткасць і бандытызм...",- сказаў ён.

Польскі прэзідэнт адзначыў, што з гэтым другім тварам вайны ніколі не пагодзіцца.

"Войны былі з моманту з'яўлення чалавецтва, але ў 21-м стагоддзі забойства жанчын і дзяцей, бамбардзіроўкі жылых дамоў, шматпавярховікаў — гэта тэрарызм, гэта бандытызм. Гэта таптанне прынцыпаў міжнароднага права... Для людзей, якія так ставяцца да гэтых прынцыпаў, няма сёння месца сярод міжнароднай супольнасці", — лічыць Дуда.

На ягоную думку, Расію варта трэба выключыць з міжнародных супольнасцяў, бо той, “хто здзяйсняе такія рэчы, павінен быць пакараны”.