Ігар Тышкевіч: 8 тэзісаў капітуляцыі Пуціна перад Кітаем

Расія ў выніку перамоў зафіксавала свой статус як малодшага партнёра КНР. Аналітык Украінскага інстытута будучыні Ігар Тышкевіч разважае пра вынікі сённяшніх перамоваў.

Савецкі плакат пра сяброўства Расіі і Кітая

Савецкі плакат пра сяброўства Расіі і Кітая

Цікава слухаць заявы на сумесным брыфінгу пасля сустрэчы прэзідэнта РФ і старшыні КНР. Інтарэсы Кітая па прасоўванні сваіх інтарэсаў і свайго ўплыву я бачу. Інтарэсы Расіі... тут, як кажуць, «усё складана».

Чаму?

Давайце па пунктах.

  1. Гандаль вуглевадародамі. Пра гэта казалі і Пуцін, і Сі. Нафту, газ, будаўніцтва новых газаправодаў, пастаўка ЗПГ. Але гэта продаж сыравіны, прычым ва ўмовах дамінуючага пакупніка, які, у адрозненне ад прадаўца, мае выбар пастаўшчыкоў. А значыць, будзе душыць коштамі.
  2. Гандаль прадуктамі харчавання. Пуцін пра гэта шмат казаў. Але казаў пра «збожжа» і «мяса». Гэта значыць, таксама сыравіна.
  3. Пастаўкі КНР? А вось тут усё складана. Пуцін прыводзіў у прыклад аўтапрам. Але там ідзе проста захоп рынку «кітайцамі». Сі казаў аб продажы прадукцыі, не ўдакладняючы наменклатуру.
  4. Рашэнне расійскіх праблем з электронікай. Пуцін казаў пра супольную дзейнасць. Сі, у сваю чаргу, рабіў звязку з сыравінай — «гандаль сыравінай і электронікай». Гэта значыць, відавочная формула «сыравіна ў абмен на мікрасхемы». Прычым без права вырабляць самому.
  5. Юань. Вельмі цікава. І Сі і Пуцін казалі аб гандлі ў юанях. Прычым, Пуцін пачынаў парай «юань і рубель», але практычна праз хвіліну забыўся пра «драўляны». Пры гэтым гаворка ішла аб гандлі за юані з трэцімі краінамі. Гэта значыць, Кітай робіць сваю валюту як мінімум рэгіянальнай. Дзе тут выгада РФ (адмовіцца ад долара на карысць юаня) я пакуль убачыць не магу — тая ж прывязка да чужога.
busy_v_obmen_na_zoloto.jpg

  • Паўночны марскі шлях. Супрацоўніцтва ў развіцці. Асабліва падкрэсленая Сі тэма. Нядзіўна, бо гэта сфера інтарэсаў КНР, а пазіцыя РФ была «супрацоўнічаць з многімі». Атрымліваецца, што Пекін можа сабе выбіць статус адзінага партнёра па развіцці паўночнага марскога шляху. Поўная адмова РФ ад раней дэклараваных канцэпцый.
  • Інтэграцыя сістэм. Пуцін кажа аб спалучэнні інтэграцыі ЕАЭС і ШАС, супрацоўніцтве ў рамках БРІКС. Сі гэтак жа казаў пра інтэграцыю. Без ЕАЭС. Гэта значыць, на базе ШОС.
  • Украіна. Пуцін заявіў, што «Расіі блізкі падыход Кітая». Сі працягваў рэкламаваць кітайскую пазіцыю. І тут становіцца асабліва цікава, пра што кітайскі лідар будзе гаварыць з Зяленскім. Для КНР выгадны альбо «мір цяпер» альбо далейшае паслабленне, але не распад РФ. А вось варыянт узмацнення Расіі ў выніку нейкіх поспехаў ва Украіне, мабыць, не надта патрэбны.


    1. Агульныя ўражанні. Расія ў выніку перамоў зафіксавала свой статус як малодшага партнёра КНР. Кітай, у сваю чаргу, падкрэсліў сваю пазіцыю супердзяржавы.

      Па Украіне для Пекіна вельмі важна быць нейкім завочным мадэратарам выхаду з вайны. Фактычна, паўтарыць гісторыю з прагрэсам у адносінах паміж Іранам і Саудаўскай Аравіяй. Для Украіны такая пазіцыя можа быць выгадная. Але не сёння, а калі баланс сіл пры пачатку дыялогу будзе відавочна зрушаны ва ўкраінскі бок.

      Тым больш важным для Украіны становіцца вынік вяснова-летняй кампаніі на фронце.