283-ці дзень вайны ва Украіне. Што здарылася за ноч?
Расія можа неўзабаве пакінуць Запарожскую АЭС? Што яшчэ здарылася за ноч?
Фота з тэлеграм-канала Уладзіміра Зяленскага
Вывад узбраенняў з Запарожскай АЭС, якога патрабуе Украіна, будзе часткай пагаднення Кіева і Масквы з МАГАТЭ. Пра гэта паведаміў у інтэрв'ю La Repubblica дырэктар агенцтва Рафаэль Гросі. Па яго словах, абодва бакі ўжо прынцыпова дамовіліся не абстрэльваць станцыю і не весці абстрэлы з яе тэрыторыі. «Расія не супраць пагаднення і прынцыпу абароны станцыі», — дадаў ён.
Пасля вызвалення Херсона захоп самай вялікай у Еўропе Запарожскай атамнай электрастанцыі застаецца ці не адзіным значным «дасягненнем» расійскіх захопнікаў. Аднак, відаць, на ЗАЭС яны доўга не застануцца.
* * *
Раніцай 3 снежня жыхары Херсонапаведамілі ў мясцовых тэлеграм-каналах пра выбухі. Прычыны пакуль не вядомыя. Пры гэтым раніцай паветраную трывогу ў горадзе не абвяшчалі. Што здарылася, улады пакуль не каментуюць.
Уначы кіраўнік АВА Яраслаў Янушэвіч паведаміў, што ў выніку расійскіх абстрэлаў у Херсоне пашкоджаныя электрасеткі, горад зноў застаўся без святла.
На Херсоншчыне ўлады эвакуююць людзей з левага берага Дняпра, бо чакаюць актывізацыі баявых дзеянняў. Да сённяшняга дня, 3 снежня, па 5 снежня ўключна будуць працягвацца гуманітарныя мерапрыемствы па эвакуацыі ўкраінцаў, якія цяпер знаходзяцца на левым беразе Дняпра ў дачным пасёлку і не паспелі пакінуць часова акупаваную тэрыторыю. «Эвакуацыя неабходная з-за магчымай актывізацыі баявых дзеянняў на гэтай тэрыторыі. Таму ў названы перыяд будзе зняты забарона выхаду на ваду, але толькі ў светлы час сутак», — паведамілі ў Херсонскай АВА.
* * *
Ноч суцэльных абстрэлаў у Днепрапятроўскай вобласці. Расіяне накрылі з «Градаў» і цяжкай артылерыі Нікапальскі раён.
За ноч здарылася дзевяць абстрэлаў. Пра гэта паведаміў у Telegram кіраўнік Днепрапятроўскай вобласці Валянцін Рэзнічэнка: «Ноч суцэльных абстрэлаў. Больш за ўсё дасталася раённаму цэнтру. У Нікапаль прыляцелі больш за 30 варожых снарадаў. Людзі цэлыя».
Рэзнічэнка дадаў таксама, што ў выніку варожых удараў пашкоджаныя два дзясяткі прыватных дамоў, гаспадарчыя пабудовы, электрасеткі і газаправоды. Разбіты 50 сонечных панэляў.
«У Краснагрыгор'еўскай і Марганецкай грамадах таксама абышлося без пацярпелых. Пашкоджаны некалькі шматпавярховак, лінія электраперадач і газаправод», — сказаў ён.
* * *
У Данецкай вобласці за мінулыя суткі ў выніку расійскіх абстрэлаў загінуў адзін мірны жыхар — у Саледары. Яшчэ чатыры чалавекі ў вобласці атрымалі раненні, паведаміў кіраўнік АВА Павел Кірыленка.
* * *
За мінулыя суткі падраздзяленні сіл абароны Украіны адбілі атакі расійскай арміі ў раёнах населеных пунктаў Краснапопаўка Луганскай вобласці і Саледар, Вопытнае, Невельскае, Краснагораўка і Мар'інка Данецкай вобласці. Пра гэта паведаміў Генштаб УСУ у ранішняй зводцы.
* * *
Украінскі Генштаб агучыў прыкладныя страты расійскай арміі на раніцу 3 снежня — за дзень «+510 чалавек ліквідавана», усяго — 90 600 расійскіх салдат.
* * *
Данілаў заявіў, што ўкраінская СПА збівае 75-90% расійскіх ракет. Паводле яго слоў, Украіну можна чакаць «яшчэ 3ؘ–4 абстрэлы вялікай магутнасці». У той жа час сакратар украінскага РНБА адзначыў, што колькасць ракетнага ўзбраення ў РФ імкліва памяншаецца, і расіяне вымушаныя шукаць дадатковыя пастаўкі ва ўсім свеце. Пры гэтым Данілаў дадаў, што інфармацыя пра перадачу Іранам балістычных ракет Расіі пакуль не пацверджаная.
* * *
Амерыканскі інстытут вывучэння вайны (ISW) лічыць, што Пуцін не зацікаўлены ў перамовах з Украінай, якія маглі б прывесці да ўстойлівага міру. На думку аналітыкаў, Крэмль захоўвае расплывістасць у фармулёўках наконт прадмету перамоваў, верагодна, для таго, каб пераканаць заходніх афіцыйных асоб пачаць перамоўны працэс без выразнага вызначэння, ці будуць такія перамовы накіраваныя на спыненне агню, мірны працэс або канчатковае мірнае пагадненне.
ISW робіць выснову, што Расія выйграла б ад часовага пагаднення з Украінай і заходнімі краінамі, якое стварыла б паўзу ў баявых дзеяннях. Гэта б дазволіла б Расіі ўмацаваць узброеныя сілы для будучых ваенных аперацый і далей зноў спрабаваць дасягнуць сваіх максімалісцкіх мэтаў ва Украіне.
Паколькі Пуцін не праявіў асаблівай цікавасці да спынення агню, а Крэмль працягвае вылучаць патрабаванні, раўназначныя поўнай капітуляцыі Захаду, гэта сведчыць аб тым, што Пуцін і далей засяроджаны на дасягненні ваеннай перамогі, лічыць ISW.
Аўстралія ўвяла абмежаванне цаны на нафту, якая пастаўляецца марскім транспартам нафта з Расіі на ўзроўні 60 долараў за барэль.
G7 дасягнула кансенсусу па ўстанаўленню максімальнай цаны на закупку расійскай нафты на ўзроўні 60 долараў за барэль. У заяве групы пазначана, што дамоўленасць уступіць у сілу «5 снежня або неўзабаве пасля гэтага». Пры гэтым рашэнне G7 па максімальнай цане нафтапрадуктаў расійскага паходжання ўступіць у сілу 5 лютага, а цану будуць вызначаць асобна.
G7 разлічвае, што максімальная цана на расійскую нафту знізіць кошт энерганосьбітаў, і заклікае іншых імпарцёраў прытрымлівацца гэтай палітыкі. Пры гэтым Расія можа прадаваць нафту ніжэй за ліміт, застаючыся на сусветным рынку, або дзейнічаць па-за G7, але скараціўшы сваю прысутнасць.
Мінфін ЗША палічыў цану нафты з РФ у 60 долараў дастатковым для таго, каб Расія працягнула прадаваць нафту на сусветныя рынкі.
* * *
Зяленскі ў вячэрнім відэазвароце паабяцаў, што на шляху духоўнай незалежнасці Украіны будуць і іншыя крокі: «Днямі мы зрабілі частку крокаў, каб гарантаваць духоўную незалежнасць нашага народа. Бачу, што людзі падтрымліваюць гэтыя крокі, і вельмі моцна падтрымліваюць. І гэта яшчэ не ўсё. Будуць яшчэ крокі. Украіна больш ніколі не будзе спыняцца напаўдарозе».
Паводле korrespondent.net, Украінская служба РБК; www.ukrinform.ua, www.pravda.com.ua