Беларусы і ўкраінцы распрацавалі дадатак, які дазваляе зірнуць у акно разбураных украінскіх гарадоў

Беларуска-украінскія распрацоўшчыкі дадатку дапоўненай рэальнасці Look Out My Window замянілі ўвесь кантэнт праграмы на відэа з разбураных украінскіх гарадоў.

Цяпер любы карыстальнік можа праз смартфон спраецыраваць на сцяну сваёй кватэры віртуальнае акно з гарадоў Украіны. Дадатак пакажа разбомбленыя дамы, моманты выбухаў і разбураныя будынкі.

LookOutMyWindow — гэта дадатак дапоўненай рэальнасці. Раней з яго дапамогай карыстальнікі маглі атрымліваць асалоду ад відамі з вокнаў у іншых краінах і дзяліцца сваімі краявідамі.