Енс Столтэнберг: Наступнай мэтай Расіі могуць стаць іншыя суседзі Украіны

Еўропа перажывае найнебяспечнейшую сітуацыю з часоў Другой сусветнай вайны. Вайна Расіі супраць Украіны — гэта напад на цяперашні сусветны парадак, таму расійскаму агрэсару нельга дазволіць перамагчы.


Пра гэта заявіў генеральны сакратар NATO Енс Столтэнберг, паведамляе РБК-Украіна.

«У гэтым канфлікце (вайне Расіі супраць Украіны — рэд.) NATO мае дзве задачы: падтрымаць Украіну і прадухіліць распаўсюджванне канфлікту ў поўнамаштабную вайну паміж NATO і Расіяй», — адзначыў Столтэнберг.

Як ён адзначыў, у інтарэсах Альянсу, каб расійскі прэзідэнт Уладзімір Пуцін не атрымаў поспех у сваіх амбіцыях ва Украіне.

«Свет, дзе ўрок для Пуціна заключаецца ў тым, што ён атрымлівае тое, што хоча, выкарыстоўваючы ваенную сілу, з'яўляецца больш небяспечным светам для нас. Калі Расія выйграе гэтую вайну, то будзе пацвярджэнне таго, што гвалт працуе, і наступнай яе мэтай могуць стаць іншыя суседзі Украіны», — падкрэсліў Столтэнберг.



Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: