«Гэты ўдар носіць стратэгічны характар». Уначы ўкраінскія беспілотнікі атакавалі Маскву

У ноч з 10 на 11 сакавіка адбылася самая буйная з пачатку вайны атака ўкраінскіх беспілотнікаў на РФ. Мінабароны Расіі заявіла пра тое, што збітыя 337 БпЛА, у тым ліку 91—над Маскоўскай вобласцю. У выніку атакі пацярпелі 18 чалавек, трое загінулі. Ідзе 1112-ты дзень шырокамаштабнай узброенай агрэсіі Расіі супраць Украіны, развязанай пры саўдзеле рэжыму Аляксандра Лукашэнкі

У Раменскім і Відным БПЛА патрапілі ў шматпавярхоўкі. У Дамадзедава згарэла паркоўка прамысловага прадпрыемства і пашкоджаныя чыгуначныя шляхі, у выніку чаго рух па гэтай галінцы быў прыпынены. Шэраг аэрапортаў Падмаскоўя ўвялі план «дыван» з-за атакі БПЛА. Пацярпеў Маскоўскі нафтаперапрацоўчы завод, які перапрацоўвае 11 млн тон нафты ў год і забяспечвае да 50% патрэбаў Масквы ў дызелі і бензіне. 

У Курскай вобласці заяўляюць пра нібыта атаку «хаймарсаў» на ГЦ «Дабрыня» ў Слабадзе. У Курчатаве пачалося некалькі пажараў.

У Разанскай вобласці мясцовыя жыхары чулі каля 10 выбухаў у раёне ваеннага аэрадрома «Дзягілева».

У Арлоўскай вобласці былі зафіксаваныя выбухі на лінейна-вытворчай дыспетчарскай станцыі «Сталёвы конь», якая кіруе нафтаправодам «Дружба». 

Кіраўнік Цэнтра процідзеяння дэзінфармацыі пры РНБА Украіны Андрэй Каваленка заявіў, што, удар па Маскве носіць стратэгічны характар і дэманструе, што Украіна можа працягваць наносіць удары па расейскіх цэлях, аказваючы ціск на Крэмль.

«Гэта дадатковы сігнал Пуціну, што ў спыненні агню з паветра ён гэтак жа павінен быць зацікаўлены. Не толькі НПЗ, дроны могуць масава ляцець па Маскве, пастаянна», — адзначыў Каваленка.

*****

За ноч над Украінай збілі адну балістычную ракету і 79 расійскіх дронаў. 35 БПЛА не дасягнулі мэтаў (лакальна страчаныя без негатыўных наступстваў).

Паветраныя мэты абясшкодзілі ў Харкаўскай, Палтаўскай, Сумскай, Чарнігаўскай, Кіеўскай, Жытомірскай, Вінніцкай, Днепрапятроўскай, Запарожскай, Адэскай і Херсонскай абласцях.

Пацярпелі Данецкая, Адэская, Харкаўская, Сумская і Кіеўская вобласці.

У выніку расійскай дронавай атакі пашкоджаны жылыя дамы ў Кіеўскай вобласці, а таксама склады і сельгастэхнікі ў Харкаўскай вобласці, пацярпелі 2 чалавекі.

Сёння ў 04:20 рашысты скінулі на Северск у Данецкай вобласці авіябомбу. У зоне паражэння зноў была жылая забудова. 

Цялесныя пашкоджанні атрымалі 52-гадовая маці і яе сын 30 гадоў, 54-гадовая гараджанка і дзяўчына 23 гадоў. У іх мінна-выбуховыя траўмы, рэзаныя раны і пералом. Адзін чалавек загінуў.

Знявечаныя шматкватэрныя дамы, аўтамабіль, лінія электрасеткі і газаправод, паведамляюць у абласной пракуратуры.

*****

Міністр лічбавізацыі Польшчы заявіў, што яго краіна дадаткова закупіць 5 тысяч тэрміналаў Starlink для абароны Інтэрнэту ва Украіне.

Са слоў Кшыштафа Галкоўскага, дадаткова закупленыя сістэмы дапамогуць украінскім вайскоўцам і цывільным у доступе да Інтэрнэту. Гэта мае стратэгічнае значэнне.

*****

У Парыжы адбудзецца важная сустрэча начальнікаў штабоў армій з 30 + краін. Галоўныя тэмы — зброя, заходнія войскі і стрымліванне РФ пасля спынення агню.

Як піша Associated Press, ініцыятарамі выступілі Францыя і Вялікабрытанія, ЗША ж не запрошаныя.

Будуць абмяркоўваць колькасць войскаў (да 30 тыс.), хоць у перспектыве можа і больш, іх размяшчэнне на крытычнай інфраструктуры далей ад лініі фронту, магчымасць хуткіх паставак узбраення і прамыя ўдары па РФ у выпадку парушэння міру. 

Франка-Брытанскі план таксама ўключае ў сябе цяжкае ўзбраенне і запасы зброі, якія можна было б хутка — на працягу некалькіх гадзін або дзён — даставіць для падтрымкі абароны Украіны ў выпадку расейскага нападу.

Лінію фронту будуць кантраляваць дроны і іншыя тэхналогіі. Авіяцыя, верагодна якая базуецца ў Польшчы ці Румыніі, стане рэзервам для стрымлівання і патрулявання. Саюзныя флаты будуць размініраваць і ахоўваць Чорнае мора.

Еўропа імкнецца ўзяць на сябе больш адказнасці за бяспеку Украіны. І каб атрымаць падтрымку ад ЗША, краіны Еўропы павінны аб'яднацца як ніколі. 

*****

Агульныя баявыя страты РФ з 24.02.22 па 11.03.25 арыенціровачна склалі:

асабовага складу —  887620 (+1300)

танкаў — 10303 (+11)

браніраваных машын — 21423 (+23)

артсістэм — 24346 (+75)   

РСЗА — 13 (+2)

сродкі СПА — 1103 (+1)

самалётаў — 370

верталётаў — 331 

БПЛА — 28801 (+198)

крылатыя ракеты — 3121 (+1)

караблі/катэры — 28

падводныя лодкі — 1   

аўтатэхніка + аўтацыстэрны — 40205 (+134) 

спецтэхніка — 3775 (+2)