Кіяўляне абралі новыя назвы для станцый метро «Брэсцкая» і «Мінская»

Кіеўскі метрапалітэн падвёў вынікі рэйтынгавага галасавання за новыя назвы станцый, якія вырашылі перайменаваць пасля нападу Расіі на Украіну. Усяго плануецца змяніць назвы пяці станцый.

Станцыя метро «Мінская» ў Кіеве

Станцыя метро «Мінская» ў Кіеве


У бліжэйшы час будзе падрыхтаваны праект рашэння, які вынесуць на пасяджэнне Кіеўскай гарадской рады. Дэпутаты павінны будуць зацвердзіць новыя назвы, адзначае REFORM.by.

Па выніках галасавання:

  • станцыя «Брэсцкая» стане «Бучанскай»,
  • «Мінская» — «Варшаўскай»,
  • «Плошча Льва Талстога — «Васіля Стуса»,
  • «Герояў Дняпра» — «Герояў Украіны»,
  • «Дружбы народаў» — «Батанічнай».

Трэба адзначыць, што сярод варыянтаў галасавання для «Брэсцкай» і «Мінскай» станцый таксама быў варыянт захаваць ранейшую назву.